11
رۆژی چوارشەممە ١٨ی خەرمانان، ئەرسەلان یەزدانی هاووڵاتی بەهایی و ڕاگیراو لە زیندانی تارانی گەورە، بە مەبەستی لێپرسینەوە ڕەوانەی شوێنێکی نادیار کراوە.
بە پێی ڕاپۆرتەکان، ناوبراو رێککەوتی 31ی گەلاوێژ لە لایەن هێزەکانی ڕژیمەوە بە مەبەستی تێپەراندنی ماوەی بەندکرانەکەی دەستبەسەر و رەوانەی زیندانی تارانی گەورە کرابوو. هەروەها بە وتەی سەرچاوەیەکی نزیک بە بنەمالەی ناوبراو، لە ئێستادا و هاوکات لەگەڵ گواستنەوەی ئەو هاووڵاتییە، هیچ زانیارییەک سەبارەت شوێنی ڕاگرتن، دۆخی تەندروستی و هۆکاری گواستنەوەکەی لەبەردەستدا نیە و بە هۆیەوە بنەمالەی ئەو کەسە نیگەرانی دۆخی تەندروستی ئەرسەلان یەزدانین.
