گیانلەدەستدانی هاووڵاتییەکی خەڵکی شاری پیرانشار بە تەقەی هێزەکانی ڕژیم

بە پێی هەواڵی گەیشتوو، هاووڵاتییەک بە ناوی “عەلی ئۆسلۆب” لە لایەن هێزەکانی ڕژیمەوە بە تەقەی ڕاستەوخۆ گیانی لەدەستداوە.

ئەو هاووڵاتییە کاتی هاتوچۆ لە جادەی گوندی“جەلدیان“، تووشی کەمینی ژمارەیەک زۆری لە هێزە ئەمنییەکانی کۆماری ئیسلامی دەبێت و دەکەوێتە بەر دەستڕێژی گوللەی ئەو هێزانە، لە ئەنجامدا ناوبراو بە هۆی بەرکەوتنی چەند گوللە گیانی لەدەست دەدات و پاشان تەرمەکەیان ڕەوانەی شاری ورمێ کردووە و هێشتا ڕادەستی بنەمالەکەی نەکراوە. شایانی باسە کە میدیاکانی ڕژیم بڵاویان کردووەتەوە کە ئەو کەسە ئەندامی یەکێک لە لایەنە ئۆپۆزیسیۆنەکانی کۆماری ئیسلامی بووە، بەڵام هیچ بەڵگەیەکیان بۆ ئەو ئیدعایانە نەبووە.