ڕاپۆرتەکان ئاماژە بەوە دەکەن کە بە پاڵپشتی هەر ١١ ئەندامی ئەنجومەنی شاری کرماشان، دارەکانی ئەم ناوچەیە بە ئەنقەست بریندار و وشک دەکرێن بۆ ئەوەی دوای بڕینی دارەکان دەست بە سەر زەوییەکاندا بگرن.
بەپێی سەرچاوەکانی هەواڵ، پرۆسەیەک بۆ لەناوبردنی فەزای سەوز ڕێکخراوە کە بە ئەنقەست زیان بە دارەکان و فەزای سەوزی ئەو ناوچەیە بگێندرێت و پاشان دارەکان بۆ بڕینەوە ئامادە بکەن. ئەم پرۆسەیە بە پاڵپشتی هەر ١١ ئەندامی ئەنجوومەنی شاری کرماشان بەڕێوە دەچێت و پاش بڕینەوەی دار و نەمامەکان، زەوییەکان بۆ بەرژەوەندی کەسانی پەیوەندیداردا تەرخان دەکرێت.