ژاراویبوونی ٢٠ كه‌س له‌ تالارێكی زه‌ماوه‌ند له‌ بۆكان

ڕۆژی هه‌ینی ١٨ی ڕه‌شه‌مه‌، ٢٠ میوانی به‌شدار له‌ مه‌راسمێكی زه‌ماوه‌ند له‌ یه‌كێك له‌ تالاره‌كانی شاری بۆكان به‌ هۆكارێكی نادیار ژاراوی و ڕه‌وانه‌ی ناوه‌نده‌ ده‌رمانییه‌كان كران.

به‌وته‌ی به‌رپرسی ئۆرژانسی بۆكان، زۆربه‌ی ئه‌وانه‌ی ژاراوی بوون ته‌مه‌نیان له‌ نێوان ١٠ بۆ ١٥ ساڵ دایه‌ و پاش خواردنی سووپ باری ته‌ندرووستیان تێك چووه‌ و ڕه‌وانه‌ی ناوه‌نده‌ ده‌رمانییه‌كان كراون. به‌پێی زانیارییه‌كان، دۆخی ته‌ندرووستی به‌سته‌ریكراوانی ئه‌و ڕووداوه‌ جێگیره‌ و لێكۆڵینه‌وه‌كان له‌سه‌ر هۆكاری ئه‌و ڕووداوه‌ ده‌ستی پێكردووه‌.