گیانله‌ده‌ستدانی شارومه‌ندێكی خه‌ڵكی قه‌سری شیرین به‌هۆی ته‌قینه‌وه‌ی مین

ڕۆژی چوارشه‌ممه‌ ٨ی خاكه‌لێوه‌، شارومه‌ندێكی خه‌ڵكی شاری قه‌سری شیرین به‌هۆی ته‌قینه‌وه‌ی مین و پاشماوه‌كانی سه‌رده‌می شه‌ڕی ئێران و عێراق گیانی له‌ده‌ست دا.

به‌پێی زانیارییه‌كان، ئه‌و هاووڵاتیه‌ كه‌ هێشتا ناسناوی ئاشكرا نه‌كراوه‌ له‌ كاتی شوانی و ئاژه‌ڵداری دا له‌ ناوچه‌ی “خان له‌یلی” سه‌ر به‌ شارستانی قه‌سری شیرین به‌سه‌ر مینێكی به‌جێماوه‌ی سه‌رده‌می شه‌ڕی ئێران و عێراق كه‌وتووه‌ و ده‌ستبه‌جێ گیانی له‌ده‌ست داوه‌.