24
دایكانی پاركی لاله‌ی تاران ڕۆژی سێشه‌ممه ٤ی گوڵانی ١٤٠٣، له به‌یاننامه‌یه‌كدا وێڕای جه‌ختكردنه‌وه له‌سه‌ر سه‌ركوتی وه‌حشیانه‌ی ڕژیم، ده‌سكه‌وته‌كانی بزووتنه‌وه‌ی ژن،ژیان،ئازادییان به‌رز نرخاند و ڕایانگه‌یاند كه ژنانی ئێرانی چیتر بۆ دوا ناگه‌ڕێنه‌وه.
له به‌شێكی ئه‌و به‌یاننامه‌یه‌دا هاتووه: وێڕای سه‌ركوتی به‌رده‌وامی كۆماری ئیسلامی له ماوه‌ی ٤٥ ساڵی ڕابردوودا، ژنانی ئازادیخواز و به‌رابه‌ری ته‌ڵه‌بی ئێران ڕێگه ناده‌ن ده‌سكه‌وته‌كانیان كه به خوێنی هه‌زاران گه‌نج به‌ده‌ست هاتووه، له ناو بچێت و چی تر به هیچ ده‌سه‌ڵاتێك ئیجازه ناده‌ن وه‌كوو جنسی ده‌ستی دووهه‌م چاویان لێ بكات. له به‌شێكی دیكه‌ی ئه‌و به‌یاننامه‌یه‌دا ئاماژه به هه‌وڵی شاردنه‌وه‌ی شكسته‌كانی كۆماری ئیسلامی له ڕێگه‌ی سه‌ركوتی ژنان كراوه.
