27
ڕۆژی دووشه‌ممه ١٠ی گوڵان، كه‌پسوولێكی گاز له به‌له‌مێكی ماسیگیری له چابه‌هار ته‌قیه‌وه و به‌وهۆیه‌وه كرێكارێك گیانی له‌ده‌ست دا و سێ كرێكاری دیكه‌ش بریندار و سێ كه‌س ون بوون.
به‌پێی ڕاپۆرتی كه‌مپه‌ینی چالاكانی به‌لووچ، به‌شی سه‌ره‌وه‌ی به‌له‌مه‌كه به‌هۆی دزه‌كردنی گاز ته‌قیوه‌ته‌وه و له ئاكامی ئه‌و ڕووداوه‌دا كرێكارێك گیانی له‌ده‌ست داوه، سێ كرێكار بریندار و سێ كرێكاری دیكه‌ش له به‌شی خواره‌وه‌ی به‌له‌مه‌كدا گیریان خواردووه و هیچ زانیارییه‌ك له‌سه‌ر چاره‌نووسیان له‌به‌رده‌ستدا نییه.
