65
به‌پێی هه‌واڵی گه‌یشتوو، ڕۆژی چوارشه‌ممه ١٢ی گوڵان، ژماره‌یه‌ك له ئه‌ندامانی ئه‌نجومه‌نی كرێكارانی ساختمانی كامیاران، سه‌رۆكی ئیداره‌ی كار و به‌ڕێوه‌به‌رانی ڕێكخراوه كرێكارییه‌كانی كامیاران هاوڕێ له‌گه‌ڵ نوێنه‌ری فه‌نی حیرفه‌یی له چوارڕێیانی سه‌ره‌كی ئه‌و شاره كۆبوونه‌وه و مه‌راسمێكیان به بۆنه‌ی ڕۆژی جیهانی كرێكار به‌ڕێوه برد.
به‌پێی ئه‌و ڕاپۆرته، ده‌سته‌ی به‌ڕێوه‌به‌رایه‌تی ئه‌نجومه‌نی سنفی كرێكارانی ساختمانسازی كامیاران و بازڕه‌سه‌كانی ئه‌نجومه‌ن، ڕۆژی كرێكاریان له هه‌موو كرێكارانی ئێران پیرۆزبایی كردووه و له‌گه‌ڵ كرێكارانی به‌شدار له‌و مه‌راسمه‌دا له‌سه‌ر كێشه‌ی مه‌عیشه‌تی و بیمه قسه و باسیان كردووه. له ئاخر دا له نێو كرێكاران شیرینی بڵاو كراوه‌ته‌وه و مه‌راسمه‌كه كۆتایی پێهاتووه.
