ڕۆژی سێشه‌ممه ٢ی گه‌لاوێژ، هێزه ئه‌منیه‌تیه‌كانی ڕژیم ڕێگه‌یان له به‌ڕێوه‌چوونی مه‌راسمی یادكردنه‌وه‌ی ئه‌حمه‌د شاملوو، شاعێری گه‌وره‌ی ئێرانی گرت.
به‌پێی زانیارییه‌كان، هێزه ئینتزامییه‌كان و مه‌ئموورانی وه‌زاره‌تی ئیتلاعاتی تاران ڕێگه‌یان نه‌داوه ئه‌ندامانی كاوونی نووسه‌رانی ئێران هاوڕێ له‌گه‌ڵ چالاكانی مه‌ده‌نی و هونه‌رمه‌ندان، له ساڵڕۆژی كۆچی دوایی ئه‌حمه‌د شاملوودا ڕێز له بیره‌وه‌رییه‌كانی بگرن. ڕۆژی سێشه‌ممه هاوكات له‌گه‌ڵ ٢٤مین ساڵڕۆژی كوچی دوایی ئه‌حمه‌د شاملوو، مه‌زاری ئه‌و شاعیره و گۆڕستانی ده‌ورووبه‌ری به ته‌واوی له‌لایه‌ن هێزه‌كانی ڕژیمه‌وه گه‌مارۆ درا، به‌ڵام به‌شداربووانی ئه‌و مه‌راسمه ڕۆبه‌ڕووی هێزه‌كانی ڕژیم وه‌ستان و چه‌ند وێنه‌یان له مه‌راسمه‌كه هه‌ڵ گرت.