49
ڕۆژی پێنجشه‌ممه ١٨ی گه‌لاوێژ، په‌ره‌ستارانی نه‌خۆشخانه‌كانی شیراز، كه‌ره‌ج و به‌نده‌رعه‌باس بۆ چه‌نده‌مین ڕۆژی به‌رده‌وام له ناڕه‌زایه‌تی به دۆخی خراپی پیشه‌یی و مه‌عیشه‌تی درێژه‌یان به مانگرتن دا.
په‌ره‌ستاران له په‌یامێك كه بۆ ڕای گشتی بڵاویان كردووه‌ته‌وه، داوایان له خه‌ڵكی ئێران كردووه ده‌نگی ناڕه‌زایه‌تی كادری ده‌رمان بن و پشتیوانیان لێ بكه‌ن. په‌ره‌ستاران خوازیاری چوونه‌سه‌ره‌وه‌ی ئاستی حه‌قده‌ست، كه‌مكردنه‌وه‌ی ساعه‌تی كار، زیادكردنی ته‌عرفه‌ی په‌ره‌ستاری، ته‌زمینی ئه‌منیه‌تی پیشه‌یی، پێدانی داخوازییه دواخراوه‌كان، ڕێگری له كۆچكردنی كادری ده‌رمان بۆ ده‌ره‌وه‌ی وڵات و دامه‌زراندنی هێزی كاری نوێ بوون.
