به‌پێی ڕاپۆرتی كانوونی مافی مرۆڤی ئێران، به‌ندكراوێكی خه‌ڵكی ئه‌رده‌بیل به ناوی “به‌هرام ئه‌شجه‌ع” پاش ئازادی له گرتووخانه‌ی ئیتلاعاتی سپای پاسداران، به شێوه‌ی گۆماناوی گیانی له‌ده‌ست دا.
“به‌هرام ئه‌شجه‌ع” دوو حه‌فته له‌مه‌وبه‌ر به بێ به‌ڵگه‌ی قه‌زایی و به بیانووی چالاكی له تۆڕه كۆمه‌ڵایه‌تیه‌كان، له‌لایه‌ن ئیتلاعاتی سپای پاسدارانه‌وه ڕفێندرا. ئه‌و شارومه‌نده پاش ئازادی له گرتووخانه‌ی ئیتلاعاتی سپای ئه‌رده‌بیل، به شێوه‌ی گوماناوی گیانی له‌ده‌ست داوه و هه‌ندێك له سه‌رچاوه‌كانی هه‌واڵ باس ژاراویبوونی ئه‌و به‌ندكراوه به ده‌رمانی هێزه ئه‌منیه‌تیه‌كانی ڕژیم ده‌كه‌ن.