8
په‌ره‌ستاران و كادری ده‌رمانی نه‌خۆشخانه‌كانی یاسووج، ڕۆژی پێنجشه‌ممه ١٠ی خه‌زه‌ڵوه‌ر له به‌یاننامه‌یه‌ك دا ڕایانگه‌یاند: به‌هۆی بایه‌خ نه‌دانی به‌رپرسانی ڕژیم به كێشه و گرفته‌كانیان، له مه‌راسیمه حكوومه‌تیه‌كانی ڕۆژی په‌ره‌ستاردا به‌شداری ناكه‌ن.
ماوه‌ی زیاتر له یه‌ك ساڵه كه په‌ره‌ستاران و كادری ده‌رمان له ئێران دژ به دۆخی خراپی پیشه‌یی و مه‌عیشه‌تی ناڕه‌زایه‌تی ده‌رئه‌بڕن، به‌ڵام به‌رپرسانی حكوومه‌ت له جیاتی سه‌ره‌نج دان به كێشه و گرفته‌كانیان، به سه‌ركوت وڵامیانیان داوه‌ته‌وه. په‌ره‌ستاران خوازیاری زیادكردنی حه‌قده‌ست به‌پێی ڕێژه‌ی هه‌ڵاوسان، وه‌لانانی ئیزافه‌كاری، چوونه‌سه‌ره‌وه‌ی ته‌عرفه‌ی په‌ره‌ستاری، پێدانی كارانه، دامه‌زراندنی هێزی كاری نوێ، ته‌زمینی ئه‌منیه‌تی پیشه‌یی و نوێكردنه‌وه‌ی گرێبه‌ست بوون.
