ڕاگوێزرانی نه‌رگس محه‌ممه‌دی له‌ نه‌خۆخشانه‌وه‌ بۆ زیندانی ئێڤین

موسته‌فا نیلی پارێزه‌ری دادگوسته‌ری ڕۆژی شه‌ممه‌ ٢٦ی خه‌زه‌ڵوه‌ر ڕایگه‌یاند: نه‌رگس محه‌ممه‌دی به‌ تازه‌یی نه‌شته‌رگه‌ری بۆ كراوه‌ و دۆخی ته‌ندرووستی ناجێگیر، به‌ڵام به‌ فه‌رمانی به‌رپرسانی زیندانی ئێڤین ڕاگوێزی به‌ندی ژنان كراوه‌.

حه‌فته‌ی ڕابردوو، لاقێكی نه‌رگس محه‌ممه‌دی كه‌ تومۆری سه‌ره‌تانی تێدا بووه‌، نه‌شته‌رگه‌ری بۆ كراوه‌ و پزیشكان ناچار بوون له‌ ڕێگه‌ی په‌یوه‌ندی ئێسقانه‌وه‌ كێشه‌كه‌ی چاره‌سه‌ر بكه‌ن. ڕۆژی ڕابردوو وێڕای پێشنیاری پزیشكان بۆ مانه‌وه‌ی نه‌رگس له‌ نه‌خۆشخانه‌ و نه‌جووڵانه‌وی ته‌خته‌كه‌ی، ئه‌و به‌ندكراوه‌ سیاسییه‌ به‌ فه‌رمانی به‌رپرسانی قه‌زایی گه‌ڕێندراوه‌ته‌وه‌ به‌ندی ژنانی زیندانی ئێڤین و مه‌ترسی له‌سه‌ر كیانی درووست بووه‌.