ئەمڕۆ چوارشەممە، حوکمی لەسێدارەدانی دوو بەندکراو کە پێشتر بە تۆمەتی تاوانی گشتی حوکمی لەسێدارەدانیان بەسەردا سەپێنرابوو، لە زیندانی عادڵئابادی شیراز جێبەجێ کرا.
ئەم دوو کەسە بە ناوەکانی «فەرامەرز تەقی‌زادە ئەمیرسالاری» و «فەرشاد جەماڵ‌ئابادی»، پێشتر لە لایەن هێزە ئەمنییەکانەوە دەستبەسەر و ڕەوانەی گرتووخانەی عادڵئابادی شیراز کرابوون. تا کاتی ئامادەکردنی ئەم هەواڵە، وردەکاریی ڕوون لەسەر ئەو تۆمەتانەی دراونەتە پاڵیان ئاشکرا نەکراوە.