دەستبەسەرکرانی زینب عەزیزی و سیروان ئەمینی لە شاری سنە

بەپێی ڕاپۆرتی گەیشتوو، دوو هاووڵاتیی کورد بە ناوەکانی “زەینەب عەزیزی” و “سیروان ئەمینی” لە لایەن هێزە ئەمنییەکانی کۆماری ئیسلامییەوە لە شاری سنە دەستبەسەر و ڕەوانەی شوێنێکی نادیار کراون.

بەپێی دوایین ڕاپۆرتەکان، ئەو دوو هاووڵاتییە ڕۆژی شەممە ١٦ی ڕەشەمەی ئەمساڵ لە لایەن هێزەکانی ئیدارەی ئیتلاعاتی ڕژیمەوە بەو پەڕی توندوتیژییەوە دەستبەسەر و ڕەوانەی گرتووخانەکانی ناوەندە ئەمنیەکان کراون. شایانی باسە سەرەڕای بەرزبوونەوەی گرژی و ئاڵۆزییەکان لە ناوچەکە و هەروەها هێرش بۆ سەر پێگەکانی هێزەکانی ڕژیم، نەک تەنیا سەبارەت بە تەندروستی ئەو دوو دەستبەسەرکراوە زانیارییەک بە بنەماڵەکەی نەدراوە، بەڵکوو تەنانەت شوێنی ڕاگرتنیشیان دیار نییە.