ڕۆژی دووشەممە ٣ی خاکەلێوە، شەپۆلێکی نوێی هێرشە ئاسمانییەکان بۆ سەر تاران و چەند شارێکی دیکە دەستی پێکرد و دەنگی تەقینەوە لە ناوچە جیاوازەکان بیسترا.
بەپێی ئەو وێنانەی کە بە دەسمان گەیشتوون، لە تاران ناوچەکانی ئەکباتان، فیردەوس، پونەک، ستارخان، جۆردەن، کاشانی، نازیاباد و ناوچەکانی دیکە بەر هێرشەکان کەوتوون، هەروەها لە ئیسفەهان ناوچەکانی قائمیە، سێ ڕێی سیمین و پردی وەحید بە ئامانج گیراون و چەند تەقینەوەیەک لە ماوەیەکی کەمدا ڕوویداوە. هاوکات لە تەورێز هاووڵاتیان باس لە تەقینەوەیەک دەکەن و لە شاری ڕەیش دەنگی تەقینەوە بیستراوە. بەپێی هەندێک زانیاری، یەکێک لە کارناسانی پڕۆژە مووشەکییەکانی سپای پاسداران لەم هێرشانەدا کوژراوە، بەڵام تا ئێستا زانیاریی ورد سەبارەت بە قەبارەی زیانەکان بڵاو نەکراوەتەوە.