گواستنەوەی فڕۆکە جەنگییەکانی ئەمریکا لە ئۆروپاوە بۆ ڕۆژهەڵاتی ناوەڕاست

ڕۆژنامەی “وۆڵ ستریت جۆرناڵ” بڵاوی کردەوە کە ئەمریکا دەستی بە گواستنەوەی بەشێک لە فڕۆکە جەنگییەکانی لە ئەورووپاوە بۆ ڕۆژهەڵاتی ناوەڕاست کردووە.

ئەم هەنگاوە، کە لەسەر بنەمای داتاکانی بەدواداچوونی گەشتە ئاسمانییەکان و زانیارییەکانی کەسێکی ئاگادار لە بابەتەکە ئاشکرا بووە، لە کاتێکدایە کە حکوومەتی ئەمریکا لە دژی کۆماری ئیسلامیی سەرقاڵی تاوتوێکردنی ئەگەری فراوانکردنی ئۆپەراسیۆنە سەربازییەکانیەتی. ڕۆژنامەکە هەروەها بە پشتبەستن بە لێدوانی بەرپرسانی ئەمریکی ئاماژەی بەوە کردووە کە دۆناڵد ترەمپ لە چەند ڕۆژی ڕابردوودا بە مەبەستی زیادکردنی گوشارەکان بۆ سەر تاران، مەیلی خۆی بۆ فراوانکردنی ئۆپەراسیۆنە سەربازییەکان نیشان داوە.