9
بەیانی چوارشەممە ١٨ی خەرمانانی ١٤٠٥ی هەتاوی، هاووڵاتییەکی خەڵکی شاری بۆکان، کە بە مەبەستی بژیوی ژیانی، لە هەرێمی کوردستان کاری دەکرد، بە هۆی ڕووداوی کار گیانی لەدەستدا.
ئەو هاووڵاتییە کە لە پیشەی بیناسازیدا بووە، بە ناوی “واحد خزریان” تەمەن ٤٢ ساڵ، بە هۆی نەبوونی ئیمەنی شوێنی کار دەستبەجێ گیانی لەدەستداوە. شایانی باسە کە تەرمی ناوبراو هێشتا ڕەوانەی شوێنی لە دایکبوونی نەکراوەتەوە و بنەماڵەکەی لە چاوەڕاونیدان.
