26
به‌یانی دووشه‌ممه حوكمی ئێعدامی دوو به‌ندكراو به ناوه‌كانی “ڕوحۆڵڵا شاكری” ته‌مه‌ن ٢١ ساڵ له زیندانی بیرجه‌ند و “عه‌لی ڕه‌جه‌بیان” خه‌ڵكی كوهده‌شت له زیندانی قزلحه‌ساری كه‌ره‌ج جێبه‌جێ كرا.
به‌پێی زانیارییه‌كان، “روحۆڵڵا شاكری” پێشتر به تۆمه‌تی كوشتنی به ئه‌‌نقه‌‌ست ده‌ستبه‌سه‌ر و دواتر له‌لایه‌ن ده‌زگای قه‌زایی ڕژیمه‌وه به ئێعدام مه‌حكووم كرابوو. حوكمی ئێعدامی ئه‌و به‌ندكراوه به‌یانی دووشه‌ممه له بێخه‌به‌ری دا جێبه‌جێ كراوه. له‌لایه‌كی دیكه‌وه به‌ندكراوێك به ناوی ” عه‌لی ڕه‌جه‌بیان” كه پێشتر به تۆمه‌تی په‌یوه‌ندیدار به مادده‌ی هۆشبه‌ر ده‌ستبه‌سه‌ر و به ئێعدام مه‌حكووم كرابوو، به‌یانی دووشه‌ممه له زیندانی قزلحه‌ساری كه‌ره‌ج له‌سێداره دراوه.
