پەیام

بەپێی ڕاپۆرتەکان، ناوەندی “نێتبڵاکس” ڕایگەیاندووە کە پچڕانی فراوانی ئینتەرنێتی نێودەوڵەتی لە ئێران چووەتە ڕۆژی حەفتاوچوارەمی خۆی و ئێستا لە ١٧٥٢ کاتژمێر تێپەڕیوە.

بەپێی ڕاپۆرتەکان، نرخی خواردن و کەلوپەلە سەرەکییەکانی ژیان لە ئێران بە شێوەیەکی بەرچاو بەرز بووەتەوە و زۆربەی بنەماڵەکان ڕووبەڕووی گوشاری ئابووری بوونەتەوە.

ڕۆژی ڕابردوو و لە درێژەی گوشارەکانی ڕژیمی کۆماری ئیسلامی بۆ سەر هاووڵاتیانی ناڕازی، خوێندکارێکی بەلوچ لە لایەن دەزگای قەزایی ڕژیمەوە لەسێدارە درا.

ڕۆژی دووشەممە ٢١ی گوڵانی ١٤٠٥ی هەتاوی، وەزیری دەرەوەی بریتانیا ڕایگەیاند کە ١٢ کەسایەتی و چەندین ناوەندی پەیوەندیدارە بە ڕژیمی کۆماری ئیسلامی لە لایەن ئەو وڵاتەوە گەمارۆ خراوەتە سەریان.

بەپێی دوایین هەواڵەکان، بە مەبەستی پشتیوانی لە ئۆپەراسیۆنی ئازادی گەرووی هورموز، پرسی ناردنی هێزی سەربازی بۆ گەرووی هورموز تاوتوێ دەکات.

ڕۆژی ڕابردوو، بەرپرسانی لوبنان داوایان لە باڵیۆزی ئەمریکا لە بەیروت کردووە کە واشنگتۆن گوشار بخاتە سەر ئیسرائیل بۆ ڕاگرتنی هێرشەکانی بۆ سەر لوبنان.

بەپێی ڕاپۆرتەکان، هێزە دەریاییەکانی ئەمریکا لە چوارچێوەی مانۆڕێکی سەربازیدا خۆیان بۆ دەستپێکردنەوەی ئۆپەراسیۆنەکان دژ بە ڕژیمی کۆماری ئیسلامی ئامادە دەکەن.

بەپێی ڕاپۆرتەکان، ماڵپەڕی “ئاکسیۆس” لە زاری سێ بەرپرسی باڵای ئەمریکییەوە ڕایگەیاندووە کە ڕۆژی ڕابردوو “دۆناڵد ترامپ” بۆ تاوتوێکردنی بژاردە سەربازییەکان دژ بە ئێران، لەگەڵ تیمی ئاسایشی نیشتمانیی ئەمریکا کۆبووەتەوە.

ڕۆژی ڕابردوو، “سەبا بەختیاری” خۆشکی بەندکراوی سیاسی “مەنوچهر بەختیاری”، بە بڵاو کردنەوەی پەیامێک سەبارەت بە خراپی دۆخی بەندکراوانی سیاسی لە زیندانەکانی ڕژیم هوشداری دا.

بەپێی ڕاپۆرتی گەیشتوو، “مەهدیە ئەفقەهی” و هاوسەرەکەی “ئەبولقاسم عەلیمورادی”، سەرەڕای تێپەڕبوونی زیاتر لە چوار مانگ لە دەستبەسەرکرانیان، هێشتا چارەنووسیان دیار نییە.