پەیام

ڕۆژی چوارشه‌ممه‌ ١٥ی ڕێبه‌ندانی ١٤٠٤ی هه‌تاوی، چوار به‌ندكراو له‌ زیندانه‌كانی ڕژیمی كۆماری ئیسلامی به‌ تۆمه‌تی “كوشتنی به‌ ئه‌نقه‌ست” له‌ سێداره‌ دراون.

ڕۆژی ڕابردوو، كۆمه‌ڵێك له‌ خوێندكارانی زانكۆی زانسته‌ پزیشكییه‌كانی ئێران له‌ شاری تاران، دژ به‌ سه‌ركوتی ناڕازیان و ده‌ستبه‌سه‌ركرانی خوێندكاران كۆبوونه‌وه‌.

ڕۆژی ڕابردوو، كۆمه‌ڵێك له‌ پارێزه‌رانی دادگوسته‌ری له‌ ئێران دژ به‌ پێشێلكارییه‌كانی مافی مرۆڤ له‌ ئێران و هه‌روه‌ها ده‌ستبه‌سه‌ركرانی نایاسایی ناڕازیان به‌یاننامه‌یه‌كیان بڵاو كرده‌وه‌.

ڕۆژی پێنجشه‌ممه‌ ١٦ی ڕێبه‌ندانی ١٤٠٤ی هه‌تاوی، خوێندكارانی زانكۆی زانسته‌ پزشكییه‌كانی شاری شیراز، به‌رده‌وامیان به‌ مانگرتنه‌كه‌یان دژ به‌ سه‌ركوتی هاووڵاتیان و ده‌ستبه‌سه‌ركرانی خوێندكاران دا.

به‌پێی دوایین زانیارییه‌كان، “به‌ختیار مورادی” به‌ندكراوی سیاسی خه‌ڵكی شاری مه‌ریوان، كه‌ بۆ ماوه‌ی سێ ساڵ له‌ زیندانی ناوه‌ندی شاری ئیلام ڕاگیراوه‌، ڕه‌وانه‌ی به‌دیخانه‌ی ناوه‌ندی شاری مه‌ریوان كراوه‌.

به‌پێی ڕاپۆرته‌كان، “بررومەند ئەعەزەمی پوور” لێکۆڵەر و نووسەری بواری مێژوو و لە بەرپرسانی قوتابخانەكانی کرماشان، ڕۆژی ١٢ی ڕێبەندانی ١٤٠٤ لە لایەن ئیتلاعاتەوە دەستبەسەر کرا.

به‌پێی دوایین هه‌واڵه‌كان، وڵاتی ئیتالیا هه‌موو چالاكییه‌كانی باڵوێزخانه‌كه‌ی له‌ ئێران ڕاگرتووه‌ و ڕایگه‌یاندووه‌ كه‌ كاتی ده‌ستپێكردنه‌وه‌ی چالاكییه‌كانی ڕاده‌گه‌یه‌نێ.

له‌ ڕۆژانی ڕابردوودا، ١٥ به‌ندكراو له‌ زیندانه‌كانی ڕژیمی كۆماری ئیسلامی به‌ تۆمه‌تی “په‌یوه‌ندیدار به‌ مادده‌ هۆشبه‌ره‌كان” و “كوشتنی به‌ ئه‌نقه‌ست” له‌ سێداره‌ دراون.

به‌پێی ڕاپۆرتی گه‌یشتوو، ڕۆژی ڕابردوو ڕژیمی كۆماری ئیسلامی له‌ به‌رده‌وامی سه‌ركوتی خه‌ڵكی ناڕازیدا، شه‌پۆلێكی نوێی ده‌ستبه‌سه‌ركردنی خوێندكارانی ده‌ستپێكردووه‌.

به‌پێی دوایین زانیارییه‌كان، “مسته‌فا مێهرئایین” چالاكی مه‌ده‌نی، ڕۆژی ڕابردوو له‌ لایه‌ن ده‌زگای قه‌زایی ڕژیمه‌وه‌ به‌ مه‌به‌ستی به‌كرده‌وه‌ ده‌رهاتنی حوكمی زیندانه‌كه‌ی بانگهێشت كراوه‌.