به‌پێی ڕاپۆرتی ناوه‌نده‌كانی مافی مرۆڤ، دوو شارومه‌ندی خه‌ڵكی شاره‌كانی یاسووج و ئه‌هواز به ناوه‌كانی “محه‌ممه‌د توره‌نگ” و “یاسین موسه‌وی” له‌لایه‌ن ده‌زگای قه‌زایی ڕژیمه‌وه به زیندان مه‌حكووم كراون.
“محه‌ممه‌د توره‌نگ” شارومه‌ندی خه‌ڵكی یاسووج و له ده‌ستبه‌سه‌ركراوانی شۆڕشی ژینا، له‌لایه‌ن دادگای ئینقلابی ئه‌و شاره به تۆمه‌تی “تێكدانی ئاسایشی گشتی” به یه‌ك ساڵ زیندان و ٧٤ زه‌ربه شه‌لاق مه‌حكووم كراوه. له‌لایه‌كی دیكه‌وه نه‌وباوه‌یه‌كی مه‌سێحی خه‌ڵكی ئه‌هواز به ناوی “یاسین موسه‌وی” له‌لایه‌ن دادگای ئینقلابی ئه‌و شاره به ١٥ ساڵ زیندان سزا دراوه.