ڕۆژی ڕابردوو، سزای لەسێدارەدانی سێ بەندکراو لە گرتووخانەکانی کاشان، ڕەشت و مەشهەد جێبەجێ کرا. ئەو بەندکراوانە، کە دووانیان ناویان “حەبیبوڵڵا داوودی” و “داوود ڕوخبین“ـە و ناسنامەی کەسی سێیەمیان هێشتا نەزانراوە، لە ساڵانی ڕابردوودا بە تۆمەتی تاوانی گشتی دەستبەسەر و سزای لەسێدارەدانیان بەسەردا سەپێنرابوو. شایانی ئاماژەیە کە ئەم کەسانە بێ ئاگادارکردنەوەی بنەماڵەکانیان و بێ مافی دوایین چاوپێکەوتن لەسێدارە دراون.