ڕۆژی سێشه‌ممه ٩ی ڕێبه‌ندان، به‌ندكراوانی سیاسی ٣٤ به‌ندیخانه‌ی ئێران بۆ په‌نجاوسێهه‌مین حه‌فته‌ی به‌رده‌وام دژ به ئێعدام مانیان گرت.
به‌ندكراوانی مانگرتوو له به‌یاننامه‌یه‌كدا ڕایانگه‌یاند: كۆماری ئیسلامی له یه‌ك ساڵی ڕابردوودا زیاتر له هه‌زار كه‌سی له سێداره داوه و ته‌نیا له مانگی به‌فرانبار دا ١١٠ به‌ندكراوی ئێعدام كردووه. كارزاری سێشه‌ممانه‌ی نا بۆ ئێعدام كارزارێكی گشتگیره و داوا له هه‌موو چالاكانی سیاسی، مه‌ده‌نی، ڕێكخراوه‌كانی مافی مرۆڤ ده‌كه‌ین په‌یوه‌ست به‌و كارزاره بن و هه‌نگاوێك بۆ هه‌ڵوه‌شانه‌وه‌ی سزای سێداره له ئێران هه‌ڵ بگرن. ڕه‌مزی سه‌ركه‌وتنمان یه‌گڕیزیمانه.