ڕۆژی یه‌كشه‌ممه ٢٦ی خاكه‌لێوه، شۆرای سنفی فه‌رهه‌نكیانی ئێران له كاردانه‌وه به‌رانبه‌ر به هێرشه‌كانی سپا بۆ سه‌ر ئیسڕائیل ڕایگه‌یاند: “به‌بۆنه‌ی شه‌ڕه‌وه هه‌ژاری داوێنی خه‌ڵك ده‌گرێت، خه‌ڵكانێك كه ئێستاش توانای دابینكردنی پێداویستیه‌كانی ژیانیان نییه”.
شۆرای سنفی فه‌رهه‌نگیانی ئێران له به‌یاننامه‌كه‌ی دا سه‌باره‌ت به كاریگه‌رییه‌كانی هێرشه‌كه‌ی سپای پاسداران بۆ سه‌ر مه‌عیشه‌تی خه‌ڵك هۆشداری دا و ڕایگه‌یاند: حكوومه‌تی كۆماری ئیسلامی به هه‌ڵدانی ده‌یان په‌هباد و مووشه‌ك بۆ سه‌ر خاكی ئیسڕائیل، هێرشێكی ده‌ست پێكرد كه گه‌ر چی له شه‌وێك دا كۆتایی پێ هات، به‌ڵام ژنان و منداڵان قوربانیانی سه‌ره‌كی ئه‌و ئۆپراسیۆنه ده‌بن، خه‌ڵكانێكی هه‌ژار كه ده‌ستدرێژی كراوه‌ته سه‌ر سفره‌كه‌یان و سه‌رمایه‌كانیان بۆ دابینكردنی مووشه‌ك و په‌هباد ته‌رخان كراوه. له شه‌ڕێكی گه‌وره‌دا دا قازانجی دوو نه‌ته‌وه‌ی گرفتاری ده‌ستی ده‌سه‌ڵاتی مه‌زهه‌بی و فاشیست به‌دی نایێت و ته‌نیا ئاواره‌بوون و هه‌ژاری داوێنی خه‌ڵك ده‌گرێت.