5
دەزگای قەزایی ڕژیمی کۆماری ئیسلامی، حوکمی نامرۆڤانەی لەسێدارەدانی بەسەر “پووریا حسێنی مونفەرد“، یەکێک لە دەستبەسەرکراوانی ناڕەزایەتییەکانی مانگی بەفرانباری ١٤٠٤دا سەپاند.
ئەم گەنجە ناڕازییە ڕێکەوتی ٢٤ی بەفرانباری ساڵی ڕابردوو لەلایەن هێزە ئەمنییەکانەوە دەستبەسەر کراوە و لەژێر گوشارێکی زۆردایە و هەروەها دادگای ڕژیم کۆمەڵێک تۆمەتی بێبنەمای وەک “هەوڵدان هەوڵدان بۆ تێکدانی ئەمنیەتی وڵات” و “کۆبوونەوە و پیلانگێڕی” خستووەتە پاڵ ناوبراو. ئەمە لە کاتێدایە کە لە دۆسیەکەیدا ئیدیعا کراوە کە گوایە کارەکانی لە بەرژەوەندیی یەکێک لە گرووپەکانی ئۆپۆزیسیۆن ئەنجام داوە و بووەتە هۆی تێکدانی ڕێوشوێنی گشتی، بەڵام هێشتا سەبارەت بەو کردەوەیە هیچ ڕوونکردنەوەیەک بڵاو نەکراوەتەوە.
