لە درێژەی گوشارە قەزاییەکان بۆ سەر دەستبەسەرکراوانی ناڕەزایەتییەکانی بەفرانباری ساڵی ڕابردوو، حوکمی زیندان بەسەر هاووڵاتییەکی دیکەدا سەپێندرا.
“ئەبولفەزل دامەنجانی” کە لە ڕێکەوتی ٢٠ی بەفرانباری ساڵی ڕابردووەوە لە زیندانی وەکیلاوای مەشهەد ڕاگیراوە، لەلایەن لقی ٥ی دادگای شۆڕشی ئەو شارەوە بە سەرۆکایەتی دادوەر “یەزدانخا“، بە تۆمەتەکانی “بانگەشە دژ بە دەسەڵات” و “تێکدانی ئاسایشی وڵات” سزای ١٥ ساڵ زیندانی بەسەردا سەپێندراوە.