ڕۆژی شه‌ممه ٣ی سه‌رماوه‌زی ١٤٠٣، ئێرانیانی ئازادیخواز له بلژێك و ئاڵمان له‌به‌رده‌م سه‌فاره‌تخانه‌كانی ڕژیم كۆبوونه‌وه و خوازیاری هه‌ڵوه‌شاندنه‌وه‌ی سزای سێداره بوون.
به‌پێی ئه‌و ویدیۆیانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، ئێرانیانی ئازادیخواز به به‌ده‌سته‌وه‌گرتنی وێنه‌ی قوربانیانی سه‌ركوتی ڕژیم و وتنه‌وه‌ی دروشم، خوازیاری هه‌ڵوه‌شاندنه‌وه‌ی سزای سێداره و ئازادی هه‌موو به‌ندكراوانی سیاسی بوون. به‌شداربووانی ئه‌و چالاكییانه هه‌روه‌ها داویان له كۆمه‌ڵگای جیهانی كرد له ئاست پێشێكارییه‌كانی كۆماری ئیسلامی بێده‌نگ نه‌بن.