7
ڕۆژی چوارشه‌ممه ٢٩ی خاكه‌لێوه، كرێكارانی له‌سه‌ركار ده‌ركراوی گرووپی ملی فولادی ئه‌هواز له ناڕه‌زایه‌تی به بیلاته‌كلیف بوون له‌به‌رده‌م شیركه‌ت خێوه‌تیان هه‌ڵدا و كۆبوونه‌وه.
به‌پێی ڕاپۆرته‌كان، كرێكارانی له‌سه‌ركار ده‌ركراو و ئه‌و كرێكارانه‌ی بۆ ساڵۆنی وه‌رزشی غه‌دیری ئه‌هواز دوور خراونه‌ته‌وه به كۆبوونه‌وه له‌به‌رده‌م شیركه‌تی فولادی ئه‌هواز خوازیاری گه‌ڕانه‌وه بۆ سه‌ر كار بوون، به‌ڵام هێزه‌كانی حه‌راسه‌ت هێرشیان كرده سه‌ریان و كۆبوونه‌وه‌كه‌یان تێك دا. كرێكارانی ناڕازی هه‌ڕه‌شه‌یان له به‌ڕێوه‌به‌رانی شیركه‌ت كرد كه ئه‌گه‌ر نه‌گه‌ڕێنه‌وه سه‌ر كار ئه‌وه له تاران و له‌به‌رده‌م ده‌فته‌ری ناوه‌ندی بانكی میللی كۆده‌بنه‌وه.
