ڕۆژی هه‌ینی ٢٧ی ڕه‌زبه‌ر، كۆمه‌ڵێك له كامیۆندارانی شاری جیرۆفت له ئاست بڕینی پشكی سووته‌مه‌نی ناڕه‌زایه‌تیان ده‌ربڕی.
به‌پێی ئه‌و وێنانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، شۆفێرانی بارهه‌ڵگر له‌به‌رده‌م به‌نزینخانه‌كانی جیرۆفت كۆبوونه‌ته‌وه و باری لم و ڕێخ له به‌رده‌میان دا خاڵی ئه‌كه‌ن. شۆفێرانی ناڕازی خوازیاری پێدانی پشكی سووته‌مه‌نی، دابینكردنی بیمه‌ی ته‌كمیلی و كه‌مكردنه‌وه‌ی نرخی پارچه‌ی یه‌ده‌كی ئۆتۆمبێل و پێدانی لاستیك بوون.