ناڕەزایەتی کرێکارانی شارەداری لە لەنگەرگەی خۆمەینی

بە پێی ڕاپۆرتەکان، کرێکارانی شارەداری لەنگەرگەی خۆمەینی دژ بە دواخستنی حەقدەست و مەزایاکانیان ناڕەزایەتییان دەربڕیوە.

کرێکارانی ناڕازی ئاماژەیان بەوە کردووە کە زیاتر لە دوو مانگە کە حەقدەست و مافی بیمەکانیان پێ نەدراوە. هەروەها جەختیان لە سەر ئەوە کردەوە کە ئەم بابەتە بووەتە هۆی دروس بوونی کێشەی ئابووری بۆ بنەمالەکانیان و لە ئەگەری بەردەوامی ئەم بارودۆخە و سەرەڕای ئەو قەیرانە ئابوورییەی کە ئێستا کۆماری ئیسلامی لە ئێراندا سازی کردووە، چیتر توانای بژێوی ژیانیان نامێنێت.