ڕۆژی سێشەممە ٣ی خەرمانانی ١٤٠٥ی هەتاوی، کرێکارانی شاغڵ لە شیرکەتی نەوت وگازی پارس دژ بە وەدینەهاتنی داخوازییەکانیان کۆبوونەوە.
کرێکارانی ناڕازی لە کۆبوونەوەکەدا ئاماژە بەوە دەکەن کە بە هۆی پێنەدانی حەقدەست و مەزایا دواخراوەکانیان لە لایەن بەرپرسانی ڕژیمەوە، لە دۆخێکی زۆر خراپی ئابووریدا دەژین و تەنانەت توانای دابینکردنی سەرەتاییترین پێداویستییەکانی ژیانیان نییە. لە درێژەی ناڕەزایەتییەکاندا کرێکاران خوازیاری بەرزکردنەوەی ئاستی حەقدەست بەپێی ڕێژەی هەڵاوسان، دابین کردنی بیمەی دەرمانی کارامە و هەروەها کەمکردنەوەی ساعەتی کار بوون.