کۆمەڵێک لە گەنجانی بێکار و خوازیاری کار لە شارەدێی حوڕ (سەر بە شاری شوش)، دژ بە نەبوونی دەرفەتی کار گردبوونەوەیەکی ناڕەزایەتییان ئەنجام دا.
ناڕازییان بە کۆبوونەوە لە بەردەم بینای کۆمپانیای قامیشی شەکر (نەیشەکەر) داوای دەستەبەرکردنی هەلی کاریان کرد. ئەم هاووڵاتییانە ئاماژەیان بەوە کردووە کە بەهۆی بێکارییەوە لە دۆخێکی نالەباری ئابووریدا دەژین و توانای دابینکردنی پێداویستییە سەرەتاییەکانی ژیانیان نییە.