35
ڕۆژی دووشه‌ممه ٢١ی ڕه‌شه‌مه، بنه‌ماڵه‌ی كرێكارانی شاغڵ له كارخانه‌ی “زۆغاڵ شوویی” زه‌ره‌ندی كرمان، هاوڕێ له‌گه‌ڵ هاوژینه‌كانیان له ناڕه‌زایه‌تی به نه‌دانی حه‌قده‌ستی كرێكاران كۆبوونه‌وه.
به‌ڕێوه‌به‌رایه‌تی ئه‌و كارخانه هێشتا حه‌قده‌ستی مانگه‌كانی ڕێبه‌ندان و ڕه‌شه‌مه، جێژنانه و پاداشی كۆتایی ساڵی كرێكارانیان په‌رداخت نه‌كردووه و كارگه‌ران و بنه‌ماڵه‌كانیان له دۆخێكی خراپ دا ژیان به‌سه‌ر ئه‌به‌ن. ڕۆژی دووشه‌ممه پاش ئه‌وه‌ی خاوه‌نكار وڵامی داواكاری كرێكارانی نه‌دایه‌وه، بنه‌ماڵه‌ی كرێكاران به ژن و منداڵه‌وه له‌به‌رده‌م كارخانه كۆبوونه‌وه.
