20
به‌پێی ڕاپۆرته‌كان، دۆخی پیشه‌یی و مه‌عیشه‌تی كرێكارانی كۆكردنه‌وه‌ی گوڵی زه‌عفه‌ران زۆر خراپه و خاونكار و به‌رپرسانی ڕژیم هیچ بایه‌خێكیان پێ ناده‌ن.
كۆكردنه‌وه‌ی یه‌ك كیلۆ زه‌عفه‌ران پێویستی به ١١٠ تاكوو ١٧٠ هه‌زار گوڵی زه‌عفه‌ران هه‌یه و زۆربه‌ی كرێكاران ژنن. هه‌ر كرێكار ئه‌بێ زیاتر له ٤٠ ساعه‌ت كار بكات تاكوو بتوانێت ١٥٠ هه‌زار گوڵی زه‌عفه‌ران كۆبكاته‌وه. زه‌عفه‌ران وه‌كوو زێر وایه و نرخی له بازاڕه‌كانی جیهان دا زۆر گرانه، به‌ڵام له داهاته‌كه‌ی سوودێكی که‌م ده‌ستی كرێكاران ده‌گرێت و كرێكارانی ئه‌و بواره له بیمه و خانه‌نشینی بێبه‌رین و تووشی نه‌خۆشی دیسكی كه‌مه‌ر و ئارترۆز ده‌بن.
