ڕۆژی سێشه‌ممه ١ی جۆزه‌ردان، هاووڵاتیه‌كی خه‌ڵكی گوندی میرائاوای سه‌ر به شاری شنۆ به ناوی “ئیسماعیل عه‌زۆزه‌مه” له به‌رزاییه‌كانی كێله‌شین به ته‌قینه‌وه‌ی مین گیانی له‌ده‌ست دا.
به‌پێی ڕاپۆرته‌كان، ئه‌و هاونیشتمانیه هاوڕێ له‌گه‌ڵ دوو كه‌سی دیكه به مه‌به‌ستی كۆكردنه‌وه‌ی گیای به‌هاری سه‌ردانی به‌رزاییه‌كانی چیای كێله‌شینیان كردووه، به‌ڵام به‌ر مینێكی چێندراوی سپای پاسداران كه‌وتوون و “ئیسماعیل عه‌زۆزه‌مه” گیانی له‌ده‌ست داوه و دوو هاوڕێی دیكه‌ی به‌سه‌ختی بریندار و ڕه‌وانه‌ی نه‌خۆشخانه كراون.