63
ڕۆژی هه‌ینی ١ی پووشپه‌ڕ، كرێكارانی ڕه‌سمی نه‌وتی شاغڵ له شیركه‌تی فه‌لاتی قاڕه‌ی دوورگه‌ی لاوان بۆ جارێكی دیكه له ناڕه‌زایه‌تی به جێبه‌جێ نه‌كردنی داخوازییه‌كانیان كۆبوونه‌وه.
كرێكارانی ڕه‌سمی نه‌وت خوازیاری، وه‌لانانی به‌ڕێوه‌به‌رانی ناكارامه، وه‌لانانی جیاوازی، گه‌ڕانه‌وه‌ی ئه‌و بڕه پاره له ساڵانی ڕابردوو وه‌كوو باج له‌سه‌ر حه‌قده‌سته‌كانیان كه‌م كراوه، وه‌لانانی ئاسته‌نگییه‌كانی به‌رده‌م خانه‌نشینی، به‌كرده‌وه‌ده‌رهاتنی ته‌واوی ماده‌ی ١٠ی ئه‌رك و به‌رپرسیاره‌تی پێرسۆنێلی نه‌وت، كۆتایی هێنان به ده‌ستێوه‌ردانه‌كانی ده‌وڵه‌ت له سندووقی خانه‌نشینی كرێكارانی سه‌نعه‌تی نه‌وت، وه‌لانانی سه‌قفی حه‌قده‌ست و دابینكردنی بیمه‌ی ده‌رمانی بوون.
