25
دوانیوه‌ڕۆی سێشه‌ممه ٢٧ی خه‌رمانان، كۆمه‌ڵێك له كوردانی دانیشتووی به‌ریتانیا له شاری بیرمه‌نگام كۆبوونه‌وه و دژبه ده‌وڵه‌تی توركیا دروشمیان به‌رز كرده‌وه.
به‌شداربووانی ئه‌و كۆبوونه‌وه به به‌ده‌سته‌وه‌گرتنی ئاڵای كوردستان و وێنه‌ی گیانبه‌ختكردووانی ڕێگای ئازادی، دژ به ده‌وڵه‌تی توركیا دروشمیان وته‌وه. خۆپێشانده‌ران هێرشه‌كانی توركیا بۆ سه‌ر ڕۆژئاوا و باشووری كوردستانیان به تووندی شه‌رمه‌زار كرد و داویان له كۆمه‌ڵگای جیهانی كرد كۆتایی به داگیركارییه‌كانی ده‌وڵه‌تی تورك له ڕۆژئاوا و باشووری كوردستان بێنن.
