كۆبوونه‌وه‌ی كوردانی دانیشتووی نۆرویژ دژبه‌ ناردنی چه‌ك بۆ توركیا

ڕۆژی پێنجشه‌ممه‌ ٢٩ی خه‌رمانان، كۆمه‌ڵێك له‌ كوردستانیانی دانیشووتی وڵاتی نۆرویژ دژبه‌ بڕیاری ده‌وڵه‌ت بۆ ناردنی چه‌ك و چۆڵ بۆ توركیا خۆپێشاندانیان كرد.

ئه‌و كۆبوونه‌وه‌ كه‌ له‌لایه‌ن فدراسیۆنی كۆمه‌ڵگه‌ی كوردان ڕێكخراوه‌ و به‌شداربووان به‌ وتنه‌وه‌ی دروشم و به‌ ده‌سته‌وه‌گرتنی پلاكارد خوازیاری هه‌ڵوه‌شاندنه‌وه‌ی بڕیاری ده‌وڵه‌تی نۆروێژی بۆ ناردنی چه‌ك و چۆڵ بۆ توركیا بوون. خۆپێشانده‌ران ڕایانگه‌یاند: ئه‌و چه‌كانه‌ی بۆ توركیا ده‌ینێرن بۆ كۆمه‌ڵكوژكردن و داگیركردنی ڕۆژئاوا و باشووری كوردستان به‌كار دێت و ڕێكخراوه‌كانی مافی مرۆڤ نابێت بێده‌نگ بن.