3
عوسمان مامه، هاووڵاتی خه‌ڵكی بۆكان، ماوه‌ی ٧٢٧ ڕۆژه له‌لایه‌ن هێزه ئه‌منیه‌تیه‌كانه‌وه ده‌ستبه‌سه‌ر و بێ سه‌روشوێن كراوه.
به وته‌ی بنه‌ماڵه‌ی عوسمان مامه، چه‌ندین جار سه‌ردانی ناوه‌نده ئه‌منیه‌تی و قه‌زاییه‌كانی بۆكان، مهاباد، تاران، كه‌ره‌ج و ورمێ یان كردووه، به‌ڵام هیچ وڵامێكیان وه‌ر نه‌گرتووه. بنه‌ماڵه‌ی عوسمان مامه نیگه‌رانی دۆخی ته‌ندرووستی ناوبراو و داوا له ڕێكخراوه‌كانی مافی مرۆڤ ده‌كه‌ن بچن به هانایانه‌وه. سه‌رچاوه‌یه‌كی نزیك له بنه‌ماڵه‌ی ئه‌و به‌ندكراوه سیاسییه ڕایگه‌یاندووه كه ئیداره‌ی ئیتلاعات به بنه‌ماڵه‌ی عوسمانی وتووه كه ناوبراو زیندووه و ئه‌گه‌ر بمردایێت خه‌به‌ریان پێتان ده‌دا.
