كۆمه‌ڵكوژی عه‌له‌وییه‌كان له‌لایه‌ن ته‌حریر ئه‌لشام له‌ سوریه‌

به‌دوای سه‌ركوتی ناڕه‌زایه‌تی عه‌له‌وییه‌كانی سوریه له‌لایه‌ن ده‌وڵه‌تی تازه‌ی ئه‌و وڵاته، چه‌كدارانی ته‌حریری شام ده‌ستیان داوه‌ته‌ ڕه‌شبگیری و كوشتنی ناڕازیان و چه‌ند كه‌سیان سه‌ربڕیوه‌.

به‌پێی ئه‌و ویدیۆیانه‌ی له‌ تۆڕه‌ كۆمه‌ڵایه‌تیه‌كان بڵاو كراوه‌ته‌وه‌، چه‌كدارانی ته‌حریر ئه‌لشام ناڕازیان به‌ به‌راز ناو ده‌به‌ن و پاش ده‌ستبه‌سه‌ركردن، ناچارایان ده‌كه‌ن وه‌كوو سه‌گ پارس بكه‌ن. هه‌روه‌ها چه‌كدارانی ته‌حریر ئه‌لشام چه‌ند ده‌ستبه‌سه‌ركراو له‌ پێش چاوی كامێرا سه‌ر ده‌بڕن و ژماره‌یه‌ك ده‌ده‌نه به‌ر ده‌ستڕێژی گوله‌ و خه‌ڵكی سه‌ر شه‌قام ئه‌شكه‌نجه و ئازار ده‌ده‌ن.