7
شه‌وی پێنجشه‌ممه ١٥ی جۆزه‌ردان، ئاگر له ئاپارتمانێك له شاری دیاربه‌كری باكووری كوردستان كه‌وته‌وه و به‌وهۆیه‌وه چوار كه‌س گیانیان له‌ده‌ستدا و ٢٣ كه‌سی دیكه بریندار بوون.
به وته‌ی شاره‌داری شاری دیاربه‌كر، ئاگر له ئاپارتمانێكی ١٣ نهۆمی له گه‌ڕه‌كی په‌یاسی دیاربه‌كر كه‌وتووه‌ته‌وه و پاش ماوه‌یه‌كی كورت ئاگر بۆ ته‌به‌قه‌كانی دیكه ته‌شه‌نه‌ی سه‌ندووه. له ئه‌نجامی ئه‌و ڕووداوه‌دا چوار هاووڵاتی له‌وانه سێ منداڵ گیانیان له‌ده‌ست داوه و ٢٣ كه‌س بریندار و ڕه‌وانه‌ی ناوه‌نده ده‌رمانییه‌كان كراون.
