ک.م.م.ک:
بەپێی زانیارییەکانی کۆمەڵەی مافی مرۆڤی کوردستان، هاوڵاتییەک بەناونیشانی ئەشکان فەهیم و خەڵکی مەهاباد، لەلایەن لقی یەکی دادگای ئینقلابی حکوومەتی ئێران لەو شارە بە سەرۆکایەتی دادوەر دووستی بەتۆمەتی گردبوونەوە و هاریکاری بە ٤٥مانگ زیندان و دوو ساڵ دوورخستنەوە مەحکووم کرا.
شیاوی باسە کە ئەم هاوڵاتییە پێشینەی نەخۆشی دڵی هەیە ئەمە لە کاتێکدایە کە دادوەرەکە ئاگاداری دۆخی تەندرووستی ناوبراوە و لە گەڵ ئازادی کاتی ناوبراو بەدانانی بارمتە دژایەتی دەکات و هەروەها ڕێگری دەکات لەوەی پارێزەرەکەی دەستی بە دادنامەکەی بگات.
شیاوی باسە کە، ئەشکان فەهیم لەگەڵ ڕەزا ئەندیشە خەرمانانی ئەمساڵ، لەلایەن هێزەکانی ئیتلاعاتی سپای حکوومەتی ئێرانەوە تونئاژۆیانە و بە لێدان لە ماڵەکەی خۆی بەبێ نواندنی حوکمی قەزایی دەستبەسەر کرابوو و ڕەزبەری ئەمساڵیش ئەشکان فەهیم بۆ گرتووخانەیەکی ئیدارەی ئیتلاعاتی حکوومەتی ئێران لە ورمێ ڕاگوازرابوو.
ق.ش
