ڕۆژی ڕابردوو، فڕۆكه جه‌نگییه‌كانی ئیسرائیل به چڕی سه‌نعای پایته‌ختی یه‌مه‌نیان بۆردمان كرد و به‌رپرسانی باڵای حووسیه‌كانیان كرده ئامانج.
ڕۆژی پێنجشه‌ممه ٦ی خه‌رمانان، زیاتر له ١٠ شوێن له سه‌نعای پایته‌ختی یه‌مه‌ن له لایه‌ن ئیسرائیلەوه بۆردمان كران و به وته‌ی به‌رپرسانی ئه‌رته‌شی ئیسرائیل ئاكامی ئه‌و هێرشانه، تیرۆرکردنی به‌رپرسانی حووسیه‌كانی یه‌مه‌ن بووه. شایانی باسه له مانگەکانی ڕابردوودا به هێرشی هه‌وایی ئیسرائیل بۆ سه‌ر یه‌مه‌ن، به شێوازێكی به‌رچاو حووسیه‌كان لاواز بوون و ئه‌گه‌ری هێرشێكی به‌رفراوانتر له ئارادایه.