5
ڕۆژی یه‌كشه‌ممه ٢٧ی ڕه‌زبه‌ر، خانه‌نشینكراوانی ته‌ئمینی ئیجتماعی له شاره‌كانی كرماشان، شوش، ئه‌هواز، تاران و چه‌ند شاری دیكه، دژ به وه‌دینه‌هاتنی داخوازییه‌كانیان كۆبوونه‌وه.
خانه‌نشینكراوانی ناڕازی به وتنه‌وه‌ی درووشم دژ به له سێداره‌دانی به‌ندكراوان و هه‌ڵكردنی پلاكارد، خوازیاری به‌رز كردنه‌وه‌ی ئاستی حه‌قده‌ست به پێی ڕێژه‌ی هه‌ڵاوسان، دابین كردنی بیمه‌ی ده‌رمانی كارامه، پێدانی حه‌قده‌ست و مه‌زایا دواخراوه‌كان، كۆتایی هاتنی گوشاری ناوه‌نده ئه‌منیه‌كان له سه‌ر خانه‌نشینكراوانی ناڕازی، هه‌ڵوه‌شاندنه‌وه‌ی حوكمی سێداره‌ی هه‌موو به‌ندكراوان و هه‌روه‌ها ئازادی ده‌ستبه‌جێ هه‌موو خانه‌نشینكراوانی ده‌ستبه‌سه‌ر كراو بوون.
