10
شەوی ڕابردوو، وێستگەکانی کارەبا و هەروەها ناوەندە پترۆشیمییەکانی عەرەبستانی سعوودی، لە لایەن حووسییەکانی یەمەنەوە بە ئامانج گیرا.
بەپێی ئەو وێنانەی کە بە دەستمان گەیشتوون، وێستگەی کاربای جیزانی عەرەبستان، پاش هێرشەکانی حووسییەکانی یەمەن، زیانێکی گەورەی پێ گەیشتووە و تەنانەت بۆ چەندین کاتژمێر کارەبای ئەو شارە پچڕاوە. لە هەمان کاتدا، ئەو گروپە تیرۆریستیەی سەر بە ڕژیمی کۆماری ئیسلامی، بە بڵاوکردنەوەی بەیاننامەیەک ئاماژەی بەوە کردووە کە لە ماوەیەکی کورتدا، ئۆپراسیۆنێکی بەرفراوان دەست پێ دەکات کە پاشان وردەکارییەکانی دەخاتە ڕوو.
