رۆژی ڕابردوو، “محەممەد باقر زۆلقەدر” سکرتێری ئەنجومەنی باڵای ئاسایشی نەتەوەیی کۆماری ئیسلامی ڕایگەیاندووە، کە تا کاتێک کە ئەمریکا درێژە بە گوشارەکانی بۆ سەر کۆماری ئیسلامی بدات، گەرووی هورموز ناکرێتەوە.
ناوبراو چەندین مەرجی بۆ کردنەوەی گەرووی هورموز دیاری کردووە کە بریتین لە “کۆتایی هێنان بە شەڕ و هەڕەشە دژ بە هێزەکانی ڕژیم، ڕاگرتنی هەمیشەیی شەڕ لە هەموو بەرەکان و تەنانەت لوبنان، کۆتایی هاتنی گەمارۆی دەریایی، کشانەوەی هێزەکانی ئەرتەشی ئەمریکا لە ناوچەکە، پێدانی قەرەبووی شەڕ، ڕاگرتنی هەموو گەمارۆکان دژ بە بەرپرسان و ناوەندە پەیوەندیدارەکان ڕژیم و ئازاد کردنی داراییە بلۆکە کراوەکان“. ” محەممەد باقر زۆلقەدر“، هاوکات جەختی لە سەر ئەوە کردەوە کە هەر هێرشێکی ئەرتەشی ئەمریکا بە توندترین شێوە وڵام دەدرێتەوە و تەنانەت پێگەکانی لە ناوچەکە دەکرێتە ئامانج.
