ڕۆژی ڕابردوو، لانیکەم ٦٠ موعەلیم و چالاکی سنفی لە شارە جیاوازەکانی ئێران، دژ بە گوشارەکانی ناوەندە قەزاییەکان و ئەمنییەکانی کۆماری ئیسلامی بۆ سەر مەسعوود فەرهیخته، ناڕەزایەتییان دەربڕی.
لە بەیانناممەکەدا ئاماژە بەوە کراوە کە ئەو چالاکوانە کە بە مەبەستی تێپەڕاندنی ماوەی سێ ساڵ و شەش مانگ زیندانەکەی، ڕەوانەی بەندیخانەی ناوەندی شاری کەرەج کراوە، زیاتر لە حەوت جار ڕەوانەی ژووری تاکەکەسی کراوە و ئەمەش بووەتە هۆی خراپی دۆخی جەستەیی و دەروونی ناوبراو. لە درێژەی بەیانناممەکەدا جەخت لە سەر ئەوە کراوەتەوە کە ئەو بەندکراوە سەرەڕای نایاسایی بوونی ئەو حوکمانەی کە بەسەریدا سەپێندراوە، لە دۆخێکی زۆر خراپدا ڕاگیراوە و لە مافی سەرەکییەکانی بێبەش کراوە.