ڕۆژی هه‌ینی ١٣ی ڕێبه‌ندانی ١٤٠٢، دایكانی ئاشتی ڕۆژهه‌ڵاتی كوردستان سه‌ردانی بنه‌ماڵه‌ی گیانبه‌ختكردووان “وه‌فا ئازه‌ربار” و “موحسن مه‌زڵووم”یان كرد له شاره‌كانی بۆكان و مهاباد و یادی هه‌موو گیانبه‌ختكردووانی ڕێگای ئازادیان به‌رز نرخاند.
له‌و وێدیۆیه‌ی كه به‌ده‌ستمان گه‌یشتووه‌ی، دایكانی ئاشتی له ماڵی “وه‌فا ئازه‌ربار” پاش ڕاگرتنی یه‌ك خوله‌ك بێده‌نگی ده‌ڵێن: “نابێ بۆ شه‌هیدانی نیشتمان گریان و شیوه‌ن بكه‌ین، ئه‌وان له دڵی میله‌تدا ده‌ژین”. به‌دوای قسه‌ی دایكانی ئاشتیدا به‌شداربووان دروشمی “شه‌هید نامرێت”یان به‌رز كردۆته‌وه. دایكی “وه‌فا ئازه‌رباریش له‌و دیداره‌دا ڕایگه‌یاند: ڕۆڵه‌كه‌ی داوای لێ كردووه كه به‌دوای گیانبه‌ختكردنی دا نابێت جلی ڕه‌ش له‌به‌ر بكه‌ن و ماته‌م بگێڕن. هه‌روه‌ها دایكی “موحسن مه‌زڵووم”یش وتوویه: ڕۆڵه‌كه‌ی داوای كردووه كه سه‌رپۆشی سپی له‌سه‌ر كه‌ن و جلی سوور بپۆشن، چوونكا ئه‌و شه‌هید بووه و له سه‌ر ڕێبازێكی پیرۆز گیانی به‌ختكردووه.
