پەیام

ئاژانسی “هەرانا” ڕایگەیاندووە کە لە پێنجەمین ڕۆژی هێرشەکاندا (١٣ی ڕەشەمە)، لانیکەم ٥٧ کەسی مەدەنی بوونەتە قوربانی. بەپێی ئامارەکان ٣١ کەس گیانیان لەدەستداوە و ٢٥ کەسیش برینداربوون.

ڕاپۆرتە مەیدانییەکان ئاماژە بەوە دەکەن کە دوو قوتابخانەی کچان لە ناوچەی “فەلکەی دووەمی هێزی هەوایی” لە ڕۆژهەڵاتی تاران، کراونەتە بنکەی هێزەکانی سوپا و بەسیج.

لەدرێژەی شەپۆلی بەرفراوانی هێرشە ئاسمانییەکاندا، بەرەبەیانی پێنجشەممە ١٤ی ڕەشەمە، ڕاپۆرتەکان باس لە بەردەوامی هێرشەکان بۆ سەر چەند خاڵێک لە تاران و پارێزگای ئەلبۆرز دەکەن.

بەپێی ڕاپۆرتەکان، ماڵپەڕی “نێتبلاکس” کە بارودۆخی ئینتەرنێت لە جیهاندا چاودێری دەکات، ڕایگەیاندووە کە پاش هێرشەکانی ئەمریکا و ئیسرائیل بۆ سەر ناوەندەکانی کۆماری ئیسلامی، ئێران بۆ ماوەی ١٠٠ کاتژمێرە ئینترنێتی بە …

ڕاپۆرتەکان باس لەوە دەکەن کە وەزارەتی ئیتلاعاتی کۆماری ئیسلامی لە ڕێگەی ڕایگەیاندنێکەوە باسی لەوە کردووە کە چەند کەس دەستبەسەرکراون کە بە وتەی ئەم وەزارەتە پلانی ئەنجامدانی ئۆپەراسیۆنێکی ئەمنییان هەبووە.

بەپێی ڕاپۆرتەکان، ڕەحمان موقەدەم سەرۆکی بەشی ئۆپەراسیۆنی تایبەتی سپای پاسداران، لە ئەنجامی هێرشە ئاسمانییەکان بۆ سەر ناوەندە سەربازییەکانی کۆماری ئیسلامی کوژراوە.

بەپێی ڕاپۆرتە بڵاوکراوەکان، چوار کەس لە بەرپرس و پلەدارەکانی سیستەمی بەرگری ئاسمانی لە ئەنجامی هێرشێکی مووشەکی کوژراون.

بەپێی ڕاپۆرتە بڵاوکراوەکان، هەندێک لە قوتابخانەکانی شاری مەشهەد داخراون و بۆ جێگیرکردنی هێزی سەربازی و کەلوپەلەکانیان بەکاردەهێنرێن.

بەپێی ڕاپۆرتەکان، دەزگای ئاسایشی دەوڵەتی قەتەر ڕایگەیاندووە کە هێزە ئەمنییەکان توانیویانە پیلانێکی تێکدەرانە پووچەڵ بکەنەوە و ژمارەیەک کەس کە پەیوەندییان بە سپای پاسدارانەوە هەبووە دەستبەسەر بکەن.

بەگوێرەی ڕاپۆرتەکان، هێرشە هاوبەشەکانی ئەمریکا و ئیسرائیل بۆ سەر ناوەند و پێگە سەربازییەکانی کۆماری ئیسلامی لە چەند شاری ئێران هێشتا بەردەوامە و زیانێکی بەرچاو بە ژێرخانەکانی ڕژیم گەیشتووە.